Psa 47 | THOT | STEP | לַ מְנַצֵּ֬חַ ׀ לִ בְנֵי ־ קֹ֬רַח מִזְמֽוֹר ׃

Psalms 47

1 לַמְנַצֵּחַ׀ לִבְנֵי־קֹרַח מִזְמֽוֹר׃ 2 ^{▼▼English Ref=47.1} כָּֽל־הָעַמִּים תִּקְעוּ־כָף הָרִיעוּ לֵאלֹהִים בְּקוֹל רִנָּֽה׃ 3 ^{▼▼English Ref=47.2} כִּֽי־יְהוָה עֶלְיוֹן נוֹרָא מֶלֶךְ גָּדוֹל עַל־כָּל־הָאָֽרֶץ׃ 4 ^{▼▼English Ref=47.3} יַדְבֵּר עַמִּים תַּחְתֵּינוּ וּלְאֻמִּים תַּחַת רַגְלֵֽינוּ׃ 5 ^{▼▼English Ref=47.4} יִבְחַר־לָנוּ אֶת־נַחֲלָתֵנוּ אֶת גְּאוֹן יַעֲקֹב אֲשֶׁר־אָהֵב סֶֽלָה׃ 6 ^{▼▼English Ref=47.5} עָלָה אֱלֹהִים בִּתְרוּעָה יְהֹוָה בְּקוֹל שׁוֹפָֽר׃ 7 ^{▼▼English Ref=47.6} זַמְּרוּ אֱלֹהִים זַמֵּרוּ זַמְּרוּ לְמַלְכֵּנוּ זַמֵּֽרוּ׃ 8 ^{▼▼English Ref=47.7} כִּי מֶלֶךְ כָּל־הָאָרֶץ אֱלֹהִים זַמְּרוּ מַשְׂכִּֽיל׃ 9 ^{▼▼English Ref=47.8} מָלַךְ אֱלֹהִים עַל־גּוֹיִם אֱלֹהִים יָשַׁב׀ עַל־כִּסֵּא קָדְשֽׁוֹ׃ 10 ^{▼▼English Ref=47.9} נְדִיבֵי עַמִּים׀ נֶאֱסָפוּ עַם אֱלֹהֵי אַבְרָהָם כִּי לֵֽאלֹהִים מָֽגִנֵּי־אֶרֶץ מְאֹד נַעֲלָֽה׃